છોકરીઓ પરિણામમાં અવ્વલ; 98.04 ટકા છોકરીઓ પાસ
માધ્યમિક શાળા માર્ચ 2022માં પ્રમાણપત્ર પરીક્ષા એટલે કે ધોરણ 10નું પરિણામ શુક્રવારે બપોરે જાહેર કરવામાં આવ્યું હતું. જિલ્લા પરિષદના માધ્યમિક શિક્ષણ અધિકારી લલિતા દહીતુલેએ માહિતી આપી હતી કે થાણે જિલ્લાનું 97.13 ટકા પરિણામ પ્રાપ્ત થયું છે. જિલ્લામાં આ વર્ષે 1 લાખ 13 હજાર 825 વિદ્યાર્થીઓ પાસ થયા છે અને પાસ થવાની ટકાવારીમાં દર વર્ષની માફક આ વર્ષે પણ છોકરીઓ આગળ હોઈ વિજય થયો છે.
આ વર્ષે 1 લાખ 17 હજાર 183 વિદ્યાર્થીઓ પરીક્ષામાં બેઠા હતા જેમાંથી 1 લાખ 13 હજાર 825 વિદ્યાર્થીઓ પાસ થયા છે. જેમાં 55 હજાર 473 છોકરીઓ પરીક્ષામાં બેઠી હતી જેમાંથી 54 હજાર 390 છોકરીઓ પાસ થઈ હતી. પરીક્ષામાં 61 હજાર 710 છોકરાઓ બેઠા હતા જેમાંથી 59 હજાર 435 છોકરાઓ પાસ થયા હતા. તેથી આ વર્ષના પરિણામમાં છોકરીઓની પાસ થવાની ટકાવારી 98.04 ટકા અને છોકરાઓની 96.31 ટકા છે. તેથી, પરિણામો પરથી સ્પષ્ટ થાય છે કે છોકરાઓ કરતાં છોકરીઓની પાસ થવાની ટકાવારી વધુ છે.
જિલ્લા પરિષદના પ્રમુખ પુષ્પા પાટીલ, જિલ્લા કલેક્ટર રાજેશ નાર્વેકર, મુખ્ય કાર્યકારી અધિકારી ડો. ભાઈસાહેબ ડાંગડે, ઉપપ્રમુખ સુભાષ પવાર, અધિક મુખ્ય કાર્યકારી અધિકારી ડો. રૂપાલી સાતપુતે, માધ્યમિક શિક્ષણાધિકારી લલિતા દહીતુલેએ વિદ્યાર્થીઓને અભિનંદન પાઠવ્યા હતા.
છેલ્લા અગિયાર વર્ષની ટકાવારી ના આંકડા નીચે મુજબ છે
2011 - 88.39
2012 - 88.87
2013. - 88.90
2014 - 89.75
2015. - 93.01
2016. - 91.42
2017. - 90.59
2018. - 90. 51
2019. - 78.55
2020. - 96.61
2021 - 99.28
