રિક્ષાની અફાટ સંખ્યા, ટ્રાફીક યંત્રણા પર વધી રહેલો બોઝ, હતબલ આર.ટી.ઓ.તથા ટ્રાફીક પોલીસ એવુ ચિત્ર પ્રવાસીઓને દરરોજ અનુભવાય છે.
આરટીઓની રિક્ષા પ્રવાસી ફરીયાદની હેલ્પલાઇન બંધ છે.થોડાક સમય પહેલાં કલ્યાણ આરટીઓ એ રિક્ષા પ્રવાસી હેલ્પલાઇન તરીકે વૉટ્સએપ નંબર જાહેર કર્યો હતો પરંતુ આ હેલ્પલાઇન નંબર પરિણામ કારક નથી તેથી રિક્ષા પ્રવાસીઓએ ફરીયાદ ક્યાં કરવી એવો સવાલ તેઓ કરે છે. સરકારે રિક્ષા પરમીટોને વગર શરતે ખુલ્લા કરતા રિક્ષા ચાલકોમાં અપ પ્રવૃતી વધી છે અને વગર લાયસન્સ, બેચ વગરના અલ્પવયના રિક્ષા ચાલકોનુ પ્રમાણ આ વ્યવસાયમાં વધ્યુ છે.
મુંબઈ શહેરમાં ટ્રાફિક પોલીસ અને આરટીઓની ટેક્સી પ્રવાસી ફરીયાદ નિવારણ હેલ્પલાઇન ઉપલ્બધ છે. ટેક્સી પ્રવાસીઓની ફરીયાદ તુરંત લઈ ટ્રાફીક પોલીસ અને આરટીઓ મારફત ફરીયાદની ખાત્રી કરી ટેક્સી ડ્રાઈવર પર કાર્યવાહી કરવામાં આવે છે. મુંબઈ શહેરમાં હેલ્પલાઇનની જન જાગૃતિ માટે સાર્વજનિક સ્થળોએ બોડૅ લગાડવામાં આવેલા છે.
મુંબઈ ટ્રાફીક પોલીસની માફક કલ્યાણ ડોમ્બિવલી મહાનગરપાલિકા વિસ્તારમાં ટ્રાફિક પોલીસ અને આરટીઓ સંયુક્ત રીતે રિક્ષા પ્રવાસી ફરીયાદ હેલ્પલાઇન શરુ કરે અને હેલ્પલાઇન નંબર સાર્વજનિક સ્થળોએ પ્રદર્શીત કરે એવી માગણી પ્રવાસીઓ કરી રહ્યા છે.
