મહારાષ્ટ્રના ડોમ્બિવલી શહેરમાં ઓમિક્રોનનો પહેલો કેસ સામે આવ્યો હતો જેને કલ્યાણની આર્ટ ગેલેરીમાં આવેલા કોવિડ સેન્ટરમાં રાખવામાં આવ્યો હતો. રાજ્ય માટે રાહતની વાત છે કે તેઓ સારવાર દરમિયાન સ્વસ્થ થઈ ગયા હતા અને બુધવારે તેમના જન્મદિવસના અવસર પર તેમને હોસ્પિટલમાંથી રજા આપવામાં આવી છે. ભારતીય મ્યુનિસિપલ કોર્પોરેશન અનુસાર, દર્દી ૨૪ નવેમ્બરના રોજ દક્ષિણ આફ્રિકાથી ડોમ્બિવલી આવ્યો હતો, જે ઉચ્ચ જોખમ ધરાવતો દેશ છે. ઓમિક્રોનથી સંક્રમિત દર્દીને બુધવારે સાંજે તેના જન્મદિવસે કલ્યાણ મ્યુનિસિપલ કોર્પોરેશનના કોવિડ સેન્ટરમાંથી રજા આપવામાં આવી હતી કારણ કે ટેસ્ટ બાદ તેનો રિપોર્ટ નેગેટિવ આવ્યો હતો. ઓમિક્રોનથી પીડિત દર્દીએ સ્વસ્થ થયા બાદ મહાનગર પાલિકાની ઉત્તમ સેવા બદલ દરદીએ આરોગ્ય વિભાગનો આભાર માન્યો હતો. એટલું જ નહીં, મહાનગરપાલિકાની આર્ટ ગેલેરી સ્થિત કોવિડ સેન્ટર ખાતે કેક કાપીને દર્દીના જન્મદિવસની ઉજવણી કરવામાં આવી હતી.
