ચોરી, લૂંટ અને ચેઇન સ્નેચિંગના ૨૩ જેટલા ગુનાઓમાં સંડોવાયેલા એવા એક આરોપીને કલ્યાણની મહાત્મા ફૂલે પોલીસે ધરપકડ કરી છે, જે નાગપુર, વર્ધા, યવતમાલ અને રાયગઘ સહિત ૧૧ પોલીસ સ્ટેશનની પોલીસનો તે વોન્ટેડ ગુનેગાર છે. એવા અહેવાલ છે કે હાલમાં પેરોલ પર જેલમાંથી છૂટ્યા બાદ આરોપી શિવસિંહ વીરસિંહ દુધાણીએ કલ્યાણની ઠાણગેવાડીમાં ૧૮ જૂને એક ઘટના બની હતી. આ સંદર્ભે કલ્યાણના એસીપી અનિલ પોવારે માહિતી આપી હતી કે, ઇન્સ્પેક્ટર પ્રદીપ પાટીલ, એપીઆઇ દીપક સરોડે અને એપીઆઇ દેવીદાસ ધોલે સહિત પોલીસકર્મીઓની ટીમ મહાત્મા ફૂલે પોલીસ સ્ટેશનના ઇન્ચાર્જ કલ્યાણજી ઘેટેના નેતૃત્વ હેઠળની ટીમ સીસીટીવી મારફતે તપાસ કરવા ઇન્સ્પેક્ટર શંભજી જાધવની મદદથી બનાવવામાં આવી હતી. સીસીટીવી ફૂટેજના આધારે શિવસિંહ વીરસિંહ દુધાણી નામના અટ્ટલ ગુનેગારની આંબિવલીથી ધરપકડ કરવામાં આવી હતી. મહાત્મા ફૂલે પોલીસ સ્ટેશનના ઇન્ચાર્જ કલ્યાણજી ઘેટેએ આ બાબતે જણાવ્યું હતું કે આરોપીની ધરપકડ બાદ તેની પાસેથી ૧ લાખ ૩૪ હજાર ૫૦૦ રૂપિયાના દાગીના મળી આવ્યા છે. હાલ પોલીસ દુધાણીની પૂછપરછ કરી રહી છે.
