શિવાજી ચોક, ગૌશાળા રોડ ખાતે આવેલી શેલાર હોસ્પિટલના ICU વોર્ડમાં દાખલ ૬૩ વર્ષીય મહિલા દર્દીના ગળામાંથી લાખો રૂપિયાની કિંમતના દાગીનાની ચોરી થયાનો કિસ્સો પ્રકાશમાં આવ્યો છે. હોસ્પિટલમાં સારવાર લઇ રહેલી વૃદ્ધ મહિલા સુરેખા પરબના પુત્ર પ્રવીણ પરબે કલ્યાણના મહાત્મા ફૂલે પોલીસમાં આ અંગે ફરિયાદ નોંધાવી છે. આ બનાવ અંગે પોલીસે ચોરીનો ગુનો નોંધી તપાસ હાથ ધરી છે. અહેવાલ છે કે પ્રવિણે નાદુરસ્ત તબિયતને કારણે તેની માતાને શેલાર હોસ્પિટલમાં સારવાર કરવા દાખલ કરી હતી. ડોક્ટરોની સલાહ પર સુરેખા પરબ નામની ૬૩ વર્ષીય મહિલા દર્દીને ICU વોર્ડમાં ખસેડવામાં આવી હતી. ૨૩ ઓગસ્ટે, રાત્રે ૧૨ વાગ્યા પછી, કોઈએ તેના ગળામાં પહેરેલી ૨ તોલા મણિની સોનાની માળા પર હાથ સાફ કર્યો હતો. બીજા દિવસે જ્યારે તેના પુત્ર પ્રવીણને ખબર પડી ત્યારે તેણે મહાત્મા ફૂલે પોલીસમાં ફરિયાદ નોંધાવી હતી. પ્રવીણ મુંબઈના જોગેશ્વરીનો રહેવાસી હોવાનું કહેવાય છે. હોસ્પિટલના ICU વોર્ડમાં આ રીતે દર્દીઓના ઘરેણાંની ચોરી થતા આશ્ચર્ય વ્યક્ત કરી રહ્યા છે. હાલ કલ્યાણની મહાત્મા ફૂલે પોલીસ મહિલા દર્દીના પુત્ર પ્રવીણની ફરિયાદના આધારે આ કેસ દાખલ કરી તપાસ શરૂ કરી છે.
