કલ્યાણના પ્લેટફોર્મ નંબર એક પર હત્યા કરાયેલ યુવકની લાશ મળી આવતાં સનસનાટી ફેલાઈ ગઈ છે. તે ૨૮ વર્ષનો યુવાન લાગે છે અને તેના હાથ પર બદામનું નિશાન અને ડી.એલ. કોતરણી કરવામાં આવી હોવાનો અહેવાલ છે.આ બાબતે સ્ટેશન માસ્તર સી.કે.પ્રસાદે કલ્યાણ જીઆરપીને ફોન કરી આ ઘટનાની જાણકારી આપી હતી. માહિતી મળતાની સાથેજ જીઆરપીના સિનિયર પોલીસ ઇન્સ્પેક્ટર વાલ્મિક શાર્દુલ અને ડેપ્યુટી ઈન્સ્પેક્ટર પોલીસ જી.બી. રાણે ટીમ સાથે ઘટના સ્થળે દોડી ગયા હતા અને તપાસ શરૂ કરી હતી. જીઆરપીના સિનિયર પોલીસ ઈન્સ્પેક્ટર વાલ્મિક શાર્દુલે જણાવ્યું હતું કે મૃતકના ગળામાં તીક્ષ્ણ હથિયાર વડે હુમલો કરવામાં આવ્યો હતો. પોલીસએ ઘટના સ્થળ નુ નિરીક્ષણ કર્યું પછી તરત જ ફોરેન્સિક ટીમને બોલાવવામાં આવી હતી. કડીઓ શોધવા ફોરેન્સિક ટીમે તમામ પોઇન્ટ શોધી કાઢયા. પોલીસે યુવકને ઓળખવાનો પ્રયાસ કર્યો હતો પરંતુ મૃતકની ઓળખ માટે તેના પર બદામના નિશાન અને ડી.એલ. લખેલું જણાય છે. અત્યારે મૃતદેહને પોસ્ટમોર્ટમ માટે મોકલવામાં આવ્યો છે અને સીસીટીવીના આધારે પોલીસ હત્યારાની શોધ કરી રહી છે.
