કલ્યાણ પૂર્વમાં છેલ્લા દોઢ વર્ષથી ૭ યુવાનો એ વિડિયો વાયરલ કરવાની ધમકી આપીને એક યુવતી પર અત્યાચાર ગુજારતા હોવાનું બહાર આવ્યું છે. આ દુષ્કર્મથી કંટાળીને પીડિતા યુવતીએ બે દિવસ પહેલા આત્મહત્યા કરી લીધી હતી. આ અંગે કોલસેવાડી પોલીસ સ્ટેશનમાં કેસ નોંધવામાં આવ્યો છે અને પોલીસે ૧ યુવતી સહિત ૮ શકમંદોની ધરપકડ કરી છે.
પોલીસના જણાવ્યા અનુસાર, એક યુવતીએ બે દિવસ પહેલા કલ્યાણ પૂર્વ વિસ્તારમાંના રહેણાંક મકાનના ત્રીજા માળેથી કૂદીને આત્મહત્યા કરી હતી. આ અંગે કોલશેવાડી પોલીસે તપાસ શરૂ કરી હતી. તપાસ દરમિયાન પોલીસને મૃતક યુવતીના મોબાઈલ ફોનમાંથી એક સુસાઈડ નોટ મળી આવી હતી. આ વિસ્તારમાં રહેતા સાત યુવકો આ યુવતીનો વીડિયો વાયરલ કરવાની ધમકી આપી છેલ્લા દોઢ વર્ષથી તેની સાથે દુષ્કર્મ આચરતા હોવાનું બહાર આવ્યું હતું.
ચોંકાવનારી વાત એ છે કે પીડિતાની સહેલી પણ આ સાત યુવકોની મદદ કરી રહી હતી. પોલીસે આ કેસમાં આઠ શકમંદોની ધરપકડ કરી વધુ તપાસ હાથ ધરી છે. દરમિયાન, જાણવા મળ્યું છે કે કેટલાક શકમંદો કલ્યાણના એક શ્રીમંત બિલ્ડરના છોકરાઓ હોવાનું જાણવા મળે છે.
