MSEDCLનો કલ્યાણ પશ્ચિમ વિભાગ વીજળી ચોરો સામે કાર્યવાહી કરી રહ્યું છે. MSEDCLની ટીમોએ એપ્રિલ મહિનામાં 39 વ્યક્તિઓ દ્વારા ચોરી કરાયેલ રૂ.12 લાખ 22 હજાર 900ની કિંમતના 9 લાખ 90 હજાર યુનિટ વીજળીનો પર્દાફાશ કરવામાં સફળતા મેળવી છે.
રેતીબંદર, ચિરાગ હોટલ, મોહલ્લા, અગ્રવાલ કોલેજ રોડ, ઉંબર્ડે ગેસ ગોડાઉન, બારવેગાંવ, જોશીબાગ, મુરારબાગ, મોહને, અટાલી, આરએસ હિલ, વલ્લીપીર રોડ, સ્ટેશન રોડ, ચીખલેબાગ, હીરાબાગ, આંબેડકર રોડ, મકબારા વગેરેમાં પાવરની ચોરી બાબતે સર્ચ ઓપરેશન મારફત 39 વીજળી ચોરો સામે કાર્યવાહી કરવામાં આવી હતી. વીજળી મીટર સાથે ચેડા કરીને, મીટરને બાયપાસ કરીને, મીટરમાં આવતા કેબલનો ઉપયોગ કરીને આ વીજળી ચોરીઓ થતી હોવાનું જાણવા મળ્યું હતું. વીજળી ચોરી અને દંડ ન ભરનારાઓ સામે મહાત્મા ફૂલે પોલીસ સ્ટેશનમાં ફરિયાદ દાખલ કરવામાં આવી છે.
મુખ્ય ઇજનેર ધનંજય આંઢેકર, અધિક્ષક ઇજનેર દિપક પાટીલ અને કાર્યપાલક ઇજનેર દિગંબર રાઠોડના માર્ગદર્શન હેઠળ આ કાર્યવાહી કરવામાં આવી હતી. વીજળી ચોરીના ગુનામાં 3 વર્ષ સુધીની કેદ અને દંડ અથવા બંન્ને થઈ શકે છે. તેથી MSEDCL કોઈપણ સંજોગોમાં વીજળીની ચોરી ટાળવા અપીલ કરી રહી છે.
