ઈરાની ટીમના મોસ્ટ વોન્ટેડ આરોપી મુસુ ઉર્ફે મુસ્તફા જાફર ઈરાની અને અન્ય બે મહિલા ચોરોની કલ્યાણની મહાત્મા ફૂલે પોલીસે ધરપકડ કરી હતી અને કુલ ૧૫ લાખ ૩૮ હજાર ૫૦૦નો સામાન રિકવર કરવામાં આવ્યો છે. કલ્યાણ ડીસીપી સચિન ગુંજલે જણાવ્યું હતું કે ઈરાની ટીમના મોસ્ટ વોન્ટેડ આરોપી મુસુ ઉર્ફે મુસ્તફા જાફર ઈરાની અને અન્ય ચાર આરોપીઓની ધરપકડ કરવામાં આવી છે અને ૮ કેસનો પર્દાફાશ કરવામાં આવ્યો છે. પોલીસના જણાવ્યા અનુસાર મુસુ ઉર્ફે મુસ્તફા જાફર ઈરાની સામે કુલ ૧૬ કેસ નોંધાયા છે. એ જ રીતે મહિલાઓને નિશાન બનાવવા બદલ આરતી દયાનંદ પાટીલ અને શાલન ઉર્ફે શાલિની સજન્યા પવાર નામની બે મહિલાઓની ધરપકડ કરવામાં આવી છે અને પોલીસે ૯ કેસનો પર્દાફાશ કર્યો છે. આરતી દયાનંદ પાટીલ નામની મહિલા ડોમ્બિવલીની રહેવાસી છે અને તેની વિરુદ્ધ નેરલ પોલીસ સ્ટેશનમાં કેસ નોંધવામાં આવ્યો છે. ૯ કેસનો પર્દાફાશ કરતી વખતે, પોલીસે મહિલા ચોરોની શોધખોળ કરી ૮ લાખ રૂપિયાનો સામાન રિકવર કર્યો છે. ડીસીપી સચિન ગુંજલે જણાવ્યું હતું કે મહાત્મા ફૂલે પોલીસ સ્ટેશનના સિનિયર ઈન્સ્પેક્ટર અશોક હોનમાને, ક્રાઈમ પીઆઈ પ્રદીપ પાટીલ, એપીઆઈ દીપક સરોદે, એપીઆઈ સાગર ચવ્હાણ, એપીઆઈ ઢોલે અને વિજય ભાલેરાવ, સંદીપ ભાલેરાવ અને સચિન ભાલેરાવની ટીમે પ્રશંસનીય કામગીરી કરી છે. પોલીસે અલગ-અલગ કેસમાં બે મહિલા સહિત ૬ આરોપીઓની ધરપકડ કરી નેકલેસ, મંગળસૂત્ર, ચેઈન, ટોપ, મોબાઈલ ફોન અને ૯ મોટરસાઈકલ સહિત કુલ ૧૫ લાખ ૩૮ હજાર ૫૦૦નો મુદ્દામાલ કબજે કર્યો છે.
