ટૂંકા કપડાં પહેરવાના કારણ પર એક ટીખળખોર ટોળકીએ પયૅટન સ્થળે આવેલી બે યુવતીઓને તેમજ તેમના પ્રેમી યુગલોને મારજુડ કરી યુવતીની સાથે છેડછાડ કરી હોવાનો બનાવ બન્યો છે. આ ઘટના રવિવારે સાંજે મલંગગઢની તળેટીમાં બની હતી. તેમજ આ ઘટનામાં ટોળકીએ મારપીટ કરી બે યુવતીઓના કપડા ફાડવાનો પ્રયાસ કર્યો હતો.
રવિવારે સાંજે ઉલ્હાસનગર વિસ્તારના બે યુવકો તેમની બે યુવતી મિત્ર સાથે મલંગગઢ ગયા હતા. જો કે, પ્રવાસન સ્થળ પરના મંદિર, દરગાહ બંધ હોવાથી, તેઓ મલંગ ગઢની તળેટીમાં અટકી ગયા હતા. તે સમયે ૬ થી ૮ લોકોની ટોળકીએ અચાનક નશાની હાલતમાં ઘટના સ્થળ પર આવ્યું અને જ્યારે તેઓએ પૂછ્યું કે આ યુવતીઓએ ટૂંકા કપડાં કેમ પહેર્યા છે,એવુ કહી ટોળકીએ ચારેયને લાકડીઓથી મારવાનું શરૂ કર્યું અને ત્યારબાદ બંન્ને યુવતીઓના કપડા ફાડી નાખ્યા હતા.
આ ઘટનાથી ગભરાયેલા ચારેય ભાગી ગયા અને નેવાલી પોલીસ સ્ટેશન પહોંચ્યા હતા. જો કે, પોલીસ એ તેમની મેડિકલ કરવા મોકલી આપી અને અહીં ફરિયાદ નોંધાવાશે નહીં, ફરિયાદ નોંધાવવા માટે હિલલાઇન પોલીસ સ્ટેશન જવાની સલાહ આપી હતી. જો કે, પીડિતાએ હાર નમાનતા, સોશ્યલ મીડિયા પર વિડિયો વાયરલ કર્યો હતો. આ બાબતે પોલીસે મંગળવારે મોડી સાંજે કેસ નોંધ્યો અને આરોપીની શોધખોળ શરૂ કરી હતી.
ઘટનાના ત્રણ દિવસ પછી, ૬ થી ૮ વ્યક્તિઓની ટોળકીના વિરોધમાં હિલલાઇન પોલીસ સ્ટેશનમાં વિવિધ કલમો હેઠળ કેસ નોંધવામાં આવ્યો છે. પોલીસ હાલમાં આ ટોળકીના આરોપીઓની શોધખોળ કરી રહી છે.
યુવતીઓએ શું પહેરવું જોઈએ? એ શુ આ ટોળકીના સભ્યો નક્કી કરશે ? આ ઘટના પછી, શું મલંગગઢ વિસ્તાર સામાન્ય લોકો માટે નથી ? આ છેડખાની કરનારાઓને યુવતીઓને શું પહેરવું તે નક્કી કરવાનો અધિકાર કોણે આપ્યો? આવો પ્રશ્ન રજૂ કરતા, આવા સામાજિક ઉપદ્રવો સામે તાત્કાલિક કાર્યવાહી થવી જોઈએ અને તેને સમયસર અટકાવી દેવા જોઈએ, અન્યથા પયૅટન સ્થળોએ પણ નાગરિકોએ પોતાની સલામતી માટે હથિયારો લઈ જવું પડશે? આવો પ્રશ્ન આ પીડિતો દ્વારા પૂછવામાં આવ્યો છે.
