વાવાઝોડું તૌક્ટે એમ.એસ.ઈ.ડી.સી.એલ.ના કલ્યાણ વર્તુળમાં ત્રાટકતાં ભારે નુકસાની

ગ્રાહકોને વીજ પુરવઠો સુવ્યવસ્થિત કરવા સ્ટાફનું અવિરત કાર્ય;  લગભગ ત્રણ કરોડનું નુકસાન

ચક્રવાતથી એમએસઇડીસીએલના કલ્યાણ ક્ષેત્રમાં વીજ વિતરણ પ્રણાલીને ભારે અસર પહોંચી છે.  પ્રાથમિક અંદાજ મુજબ વીજ વિતરણ પ્રણાલીને આશરે ૩ કરોડનું નુકસાન થયું છે.  વાવાઝોડાથી અસરગ્રસ્ત ૧૩ લાખ ૩૦ હજારમાંથી ૧૧ લાખ ૩ હજાર ગ્રાહકોને વીજ પુરવઠો બુધવાર (૧૯ મે) સવાર સુધી પૂર્વવત કરવામાં આવ્યો છે.  કર્મચારીઓ, ઇજનેરો, ઠેકેદારો બાકીના ગ્રાહકોને વીજ પુરવઠો સુવ્યવસ્થિત કરવા માટે અથાક કાર્ય કરી રહ્યા છે.

ચક્રવાતને કારણે ૫૪ સબસ્ટેશન, ૪૦૫ પાવર લાઇન અને ૭,૩૪૩ વિતરણ લાઇનોને નુકસાન થયું છે.  પરિણામે ૧૧૩૩ ગામો અને તમામ કેટેગરીના ૧૩ લાખ ૨૯ હજાર ૯૧૪ ગ્રાહકોને વીજ પુરવઠો ખોરવાયો હતો.  ૨૩૪ ઉચ્ચ વોલ્ટેજ લાઇનો અને ૩૦૨ નીચા વોલ્ટેજ લાઇનો ધરાશાયી થઈ અથવા બેન્ટ.  ઝરમર વરસાદમાં સ્ટાફે તાત્કાલિક સમારકામનું કામ શરૂ કર્યું હતું.  પ્રતિકૂળ પરિસ્થિતિમાં અવિરત કામ કરીને ૪૫ સબસ્ટેશન, ૩૧૩ પાવર લાઈન, ૪ હજાર ૩૯૭ વિતરણ રોહિતરોનું સમારકામ કરવામાં આવ્યું હતું અને ૧૧ લાખ ૨ હજાર ૭૫૧ ગ્રાહકોને વીજ પુરવઠો બુધવારે સવાર સુધી પૂર્વવત કરવામાં આવ્યો હતો.  ૬૨ નવા હાઇ વોલ્ટેજ પાવર પોલ્સ અને ૮૬ લો વોલ્ટેજ પાવર પોલ્સ ઉભા કરાયા હતા.  ઝાડ કાપવા, ઝાડની ડાળીઓ પડી જવાથી, લોખંડના પતરા, ફલેક્સ અને પાવર લાઇનો ઉપર હાડપિંજર માફક પડી જવાને કારણે મોટા પાયે વીજળીનો પુરવઠો ખોરવાયો હતો.

કલ્યાણ પરિમંડળના કલ્યાણ મંડળ વન હેઠળ અસરગ્રસ્ત તમામ ૪ લાખ ૭૫ હજાર ૨૫૧ ગ્રાહકોને વીજ પુરવઠો પૂર્વવત કરવામાં આવ્યો છે.  કલ્યાણ મંડળ II હેઠળ ૨ લાખ ૬૫ હજાર ૭૨૯ ગ્રાહકોને વીજ પુરવઠો ખોરવાયો હતો.  જેમાંથી ૨ લાખ ૫૮ હજાર ૧૯૮ ગ્રાહકોને વીજ પુરવઠો પૂર્વવત કરવામાં આવ્યો છે.  વસઇ મંડળના વસઈ અને વિરાર વિભાગમાં ૨ લાખ ૩૯ હજાર ૫૪૧ ગ્રાહકોને વીજ પુરવઠો ખોરવાયો હતો.  જેમાંથી ૨ લાખ ૧૩ હજાર ૬૮૨ ગ્રાહકોને વીજ પુરવઠો સુવ્યવસ્થિત કરવામાં આવ્યો છે.  સૌથી વધુ અસર પાલઘર મંડળમાં ૩ લાખ ૪૯ હજાર ૩૯૩ ગ્રાહકોને વીજ પુરવઠો ખોરવાયો હતો.  જેમાંથી ૨ લાખ ૧૩ હજાર ૬૮૨ ગ્રાહકોને વીજ પુરવઠો પૂર્વવત કરવામાં આવ્યો છે.  બાકીના ગ્રાહકોને વીજ પુરવઠો પુન પ્રસ્થાપિત કરવા અવિરત રીતે સમારકામ હાથ ધરવામાં આવી રહ્યા છે.  આ કુદરતી આફતમાં વીજ ગ્રાહકોને સહકાર આપવા અપીલ કરી રહી છે.