જેલની દિવાલ કુદીને છટકી ગયેલો કૈદી, પોલીસને ચાર વર્ષ પછી ફરીથી મળી આવ્યો છે. પકડાયેલા કેદીની ઓળખ ડેવિડ મુર્ગેશ દેવેન્દ્ર (૨૭) તરીકે થાય છે.
ચાર વર્ષ પહેલા કલ્યાણ આધારવાડી જેલની પાછળની દિવાલ પરથી કુદી બે કેદીઓ ફરાર થઈ ગયા હતા. એક કેદીની નવી મુંબઈના ઉલવે વિસ્તારમાંથી મુંબઇ ક્રાઇમ બ્રાન્ચના પોલીસ અધિકારીઓ દ્વારા ધરપકડ કરવામાં આવી હતી. મંગળવારે રાત્રે તેને કલ્યાણની ખડકપાડા પોલીસને સોંપવામાં આવ્યો હતો. ખડકપાડા પોલીસે તેને વિવિધ કલમો હેઠળ ધરપકડ કરી છે અને તેને આજે કલ્યાણ જિલ્લા સત્ર કોર્ટમાં રજૂ કરવામાં આવશે, એમ એક પોલીસ સૂત્રએ જણાવ્યું હતું. પકડાયેલા કેદીની ઓળખ ડેવિડ મુર્ગેશ દેવેન્દ્ર (૨૭) તરીકે થાય છે.
ડેવિડ અને તેનો સાથી મણીકંદર નાડર ૨૩ જુલાઇ, ૨૦૧૭ ના રોજ સવારે આધારવાડી જેલની પાછળની દિવાલમાંથી કેબલ વાયરની મદદથી કુદીને ફરાર થઈ ગયા હતા. આ ઘટનાના સીસીટીવી ફૂટેજ સામે આવતાની સાથે જ જેલ પ્રશાસનને મોટી ટીકાઓનો સામનો કરવો પડ્યો હતો. તત્કાલીન જેલ અધિક્ષક દ્વારા તપાસ શરૂ કરવામાં આવી હતી. સુત્રોના જણાવ્યા અનુસાર બંન્ને આરોપીઓ જેલમાંથી છૂટ્યા બાદ કન્યાકુમારી ગયા હતા. ત્યાં તેઓએ ચોરી, લૂંટ, ઘરફોડ ચોરી શરૂ કરી. જો કે, ત્યાંની પોલીસે ધરપકડ કર્યા પછી, ડેવિડ પાછો મહારાષ્ટ્ર ભાગી ગયો હતો. તેણે નવી મુંબઈના ઉલ્વે વિસ્તારમાં પોતાનું નામ અને વેશ બદલીને પાણી વેચનુ કામ કરવાનું શરૂ કર્યું ડેવિડને ૨૦૧૬ માં ધરપકડ કરવામાં આવી હતી - ડેવિડને મુમ્બ્રા પોલીસે ધરપકડ કરી હતી. તેના સાથી નાડરને મહાત્મા ફૂલે પોલીસે ૨૦૧૬ માં ધરપકડ કરી હતી. બંન્ને ઉપર લૂંટ અને ચોરી જેવા અનેક ગંભીર ગુનાઓનો આરોપ મૂકવામાં આવ્યો છે. કોર્ટે બંન્નને જામીન નામંજૂર કર્યા પછી, તેઓને આધારવાડી જેલમાં મોકલવામાં આવ્યા હતા. જેલમાંથી છટકી જવાનો પ્રકાર સીસીટીવીમાં ઝડપાયો હતો. જેલ પોલીસે તે સમયે નોંધાવેલી ફરિયાદ મુજબ, ખડકપાડા પોલીસ સ્ટેશનમાં કેસ નોંધાયો હતો.જેલમાંથી છટકી જવા માટે એક યોજના બનાવવામાં આવી હતી. દોરડાની જેમ તેનો ઉપયોગ કરીને તે જેલની દિવાલોને પાર કરી ગયો. જેલનું દૈનિક કામ સવારે શરૂ થયું. ત્યારબાદ બંન્ને પાંચમાં નંબરની બેરેકમાં હતા. બાથરૂમમાં જવાનો ડોળ કરતાં કેટલાક કેદીઓએ બંન્નને બહાર આવતાં જોયા. તેઓ લાંબા સમય સુધી મળી શક્યા ન હોવાથી, જેલ પોલીસે પહેલા બેરેકની તલાશી લીધી હતી. ત્યાં સુધીમાં તેઓ દિવાલ પરથી કૂદી ગયા હતા. બાદમાં કલ્યાણ-ભિવંડી રોડ ઉપર આવેલ સરવર્લી લોખંડ પુલ પર વાડેઘરથી કલ્યાણ ખાડી પર સરવલી એમઆઈડીસી તરફ ભાગ્યો હતો. તેઓએ ત્યાંથી પસાર થતી ટુ-વ્હીલરને અટકાવી. તેઓએ તેનો મોબાઈલ ફોન છીનવી લીધો હતો અને બાઇક ઉપરથી ભાગવાનો પ્રયાસ કર્યો હતો. ત્યારે તેમની વચ્ચે સંઘર્ષ થયો હતો. એક કેદીને તેને મો ઢામાં માર માર્યો હતો
