કેન્દ્રીય મંત્રી રામદાસ આઠવલેએ આજે ડોમ્બિવલીમાં પીડિત બાળકીના પરિવાર અને સંબંધિત પોલીસ અધિકારીઓની મુલાકાત લીધી હતી. ત્યાર બાદ તેમણે પત્રકારો સાથેની વાતમાં જણાવ્યું હતું કે આ ઘટના અત્યંત દુર્ભાગ્યપૂર્ણ અને ગંભીર છે. પોલીસે સારી કાર્યવાહી કરી છે. તમામ ૩૩ આરોપીઓની ધરપકડ કરવામાં આવી છે.પીડિતાને રાજ્ય સરકાર પાસેથી ૧૦ લાખ રૂપિયા મળશે પરંતુ અમારી માંગ છે કે પીડિતાને ૨૦ લાખ રૂપિયા મળે. પીડિતાને વધુમાં વધુ મદદ મળે તે માટે તેઓ મુખ્યમંત્રી ઉદ્ધવ ઠાકરેને પત્ર લખવા જઈ રહ્યા છે.આ સાથે રામદાસ આઠવલેએ ડોમ્બિવલીના લોકોને પણ પીડિતાને મદદ કરવા અપીલ કરી છે. આઠવલેએ કહ્યું કે તેમણે આર.પી.આઇ પાર્ટી વતી પીડિત પરિવારને ૧ લાખ રૂપિયાનો ચેક આપ્યો હતો.
પોલીસે તમામ આરોપીઓની ધરપકડ પણ કરી છે અને તેમનું કામ પણ પૂરું કરી દીધું છે.પોલીસે વહેલી તકે કોર્ટમાં કેસ દાખલ કરવો જોઈએ.રાજ્ય સરકારે કેસ ઝડપી બનાવવો જોઈએ અને કેસ માટે સારો સરકારી વકીલ આપવો જોઈએ, એમ તેમણે જણાવ્યું હતું.
પીડિતાના પરિવારના સભ્યોએ ન્યાય અને આરોપીઓને ફાંસીની માંગણી કરી છે અને તેઓ રાજ્ય સરકારને પણ આ જ માંગણી કરશે, એમ રામદાસ આઠવલેએ જણાવ્યું હતું. આઠવલેએ કહ્યું કે મ્હાડાના અધિકારીઓ પીડિત પરિવાર સાથે આ બાબતે ચર્ચા કરશે. પીડિત પરિવારને રક્ષણની જરૂર છે કારણ કે આ પ્રકાર ખૂબ જ ગંભીર છે. આખરે તેમણે આ ઘટનાનો વિરોધ કર્યો.
